Day 4.2 @ 高松栗林公園
2016年10月10日 / 星期一 (第四天)
10:15 ~ 10:20 | 酒店免費穿梭巴士 | → 国際ホテル → 土庄港
10:40 ~ 11:15 | フェリー| 土庄港 → 高松築港
11:59 ~ 12:13 | 「高松市役所」バス ~ 西廻り | 寿町 → 栗林公園前
13:43 ~ 14:00 | 「高松市役所」バス ~ 東廻り | 栗林公園前→ 高松駅
(交通收費及詳細資料請往實際交通篇)
到咗高松碼頭後先過去酒店放底身上嘅行李，然後就坐巴士前往栗林公園。
栗林公園是日本四國地方最著名的庭院，號稱一步一景，分為南、北兩個庭園，南庭為迴遊式庭園，北庭是近代的準洋式庭院。總面積約75公頃，是全日本被指定為特別名勝的庭園之中最大。栗林公園以翠綠的紫雲山為背景，由6個水池、13座假山以及10多個亭閣巧妙的佈局而成，處處景緻皆不同，四季呈現不風貌同，整個庭園景緻優美，可與三大名園媲美，從日本江戶時期就一直聞名至今。特別名勝。
公園範圍好大，環境好幽美。
行完公園本諗住去商店街，但上錯咗返高松車駅嘅巴士，最後唯有返到高松駅食晏先，食晏前見到JR綠色窗口先諗起要訂指定席車票。
由於高松駅訂票要到車駅旁嘅旅遊中心辦理，當日有好多日本人排隊訂購本地旅遊套票，所以我哋都排咗成個鐘先可以辦理完成車票。
跟住隨意喺車駅上一間烏東店解決午餐。
跟住再坐巴士前往商店街，但高松嘅商店街好似都唔太啱我哋行，所以好快就打道回府。
返到酒店Check In後就上房，由於酒店大堂相當細，相信因為放唔到我哋由岡山寄過嚟幾件大行李，所以一早已經放晒上房。
一間相當細嘅房間，但價錢真係幾抵。休息過後就步行往車駅旁嘅居酒屋食晚餐，價錢唔貴但食物質數唔錯啊！
食飽就返酒店沖涼休息，明早要坐早車前往松山及道後溫泉。
下一頁：Day 5：道後温泉 八千代
蒸蟹飯好正咁喎。咦，高松應該食乜出名呢?
回覆刪除🙄真係唔知喎！我本住只係路過性質，所以無特別搵食咩！哩間都係臨出發search到人哋個blog話唔錯就跟住去咋！😅😅
刪除