2016年3月20日 星期日

Day 5.3 @ 上高地明神橋、河童橋

2015年10月14日 / 星期三 (第五天)
08:40 ~ 09:40 | 濃飛バス | 高山濃飛バスセンター → 平湯温泉
10:00 ~ 10:25 | 濃飛バス | 平湯温泉 → 上高地

(交通收費及詳細資料請往交通篇)
酒店:上高地ホテル白樺荘

食飽之後就準備離開,因為如果四點半前返唔到河童橋,天就會開始黑,加上喺森林裡面會有啲麻煩,好彩回彩哩段路無去嗰陣咁精彩,所以步伐相對比去程係快。







上高地有地方比人紮營,營地附近有浴場比露營者沖涼。

當日真係見到有人喺到紮咗營咖!不過夜晚咁凍點瞓呀!

不停咁行咗個幾鐘,到我就嚟唔得嘅時候,眼前見到有座旅遊中心,正當靚太要到訪一吓洗手間嘅同事,我同大笨蛋就喺旅遊中心休息一吓同寄明,當時重擔心緊重要行多幾耐先返到河童橋呢?大笨蛋突然好有見地咁話,有得哩啲旅遊中心同手信店,目標應該不遠,因為哩啲地方唔會開設喺離景點太遠嘅地方。



果然喺旅遊中心向前行多幾分鐘,河童橋就出現喺我哋嘅眼前啦!



三點三順利完成行程,一共行咗五個鐘呀!

當時河童穚兩旁嘅手信店都堆滿咗好多遊客,香港團、大陸團、台灣團,大家都趕住掃完手信就坐車離開上高地。


 我哋都行完兩間手信店就返酒店Check In,今次被安排嘅房間就喺浴場隔離,真係超方便呀!

行過見到浴場唔多人,大家就先去浴場沖個涼,浸一浸,消除一吓寒氣都疲累。

 搞掂晒返到房,好舒服好溫暖咁對住燒山,哩一刻又係覺得比咗咁貴嘅房租都係值得啊!







沒有留言:

張貼留言