2016年3月20日 星期日

Day 5.1 @ 宮川朝市

2015年10月14日 / 星期三 (第五天)
08:40 ~ 09:40 | 濃飛バス | 高山濃飛バスセンター → 平湯温泉
10:00 ~ 10:25 | 濃飛バス | 平湯温泉 → 上高地

(交通收費及詳細資料請往交通篇)
酒店:上高地ホテル白樺荘

又一天嘅新開始,人總係貪心,又想早啲坐車前往上高地,又想行一吓高山嘅宮川朝市,瞓醒又要浸一浸先安樂,所以今日就五點多起身浸浴,六點半Check Out兼喺酒店寄行李,然後行朝市。

哩朝天氣好好啊!過咗飛驒分國寺就好快去到宮川。

宮川





朝市每朝六點半就會有檔販擺賣,星期六、日及假期每多啲檔開,我哋當日行嘅喺平日嘅七點,所以唔算太多擺檔,大部份都係賣一啲土產、農作物,而街道旁嘅商店、小食店亦未開工,不過有一個幾大型嘅手信店就開咗,幾多嘢賣幾好行。












而比較吸引我哋嘅係朝市旁嘅宮川,B女媽咪一向鐘意玩水,有條咁靚嘅河流佢當然唔會放過啦!


影完相都差唔多要返車駅坐車啦!高山濃飛巴士總駅就喺JR駅旁,先到票務處購買高山至上高地巴士套票,套票有四張飛,高山來回平湯溫泉及平湯溫泉來回上高地,每坐一程比司機撕去一張。




由高山開往平湯溫泉要一個鐘車程,落車後有二十分鐘時間可轉乘另一部環保巴士前往上高地,如果揸私家車嚟的話,車輛就要喺到止步轉乘環保巴士前往上山啊! 





沒有留言:

張貼留言