2015年5月2日 星期六

Day 6.2 @ 東京鐵塔、銀座

2015年3月19日 / 星期四 (第六天)
09:51~11:06 | (北陸新幹線) あさま612号 | 軽井沢 → 上野 (指定席) 5,900円
12:33~12:46 | JR 山手線(外回り) | 上野 → 浜松町 170円
13:02~13:08 | JR 山手線(内回り) | 浜松町  → 有楽町 140円
17:08~17:19 | JR 山手線(内回り) | 新橋 → 上野 160円

(交通收費及詳細資料請往實際交通篇)
酒店:上野ホテル丸谷

離開咗恩賜公園後,因為時間尚早,而且重有個JR Kanto Pass (關東地區通票)三天pass,所以唔好嘥咗佢,一於同大笨蛋坐山手線去東京鐵塔睇吓,不過當日天氣唔好,一出JR車駅已經開始落雨。

由浜松町駅行去鐵塔要十幾分鐘,喺鐵塔前有間本願寺,所以入去逛一逛。


哩到有個大鐘


寺內好金碧輝煌

由於雨勢越落越大,再行都影唔到相,所以最後就喺寺旁遠距離同東京鐵塔影返張合照就算。


原路慢慢行返去車駅,肚仔都開始餓,所以都邊行邊搵食,見到哩間更科布屋有啲日本人喺到排隊等位,估計都應該唔錯,所以就入去試吓。返嚟查資料先知佢嘅そば(蕎麦麵)好出名啊!可惜我無食到呢!

我食咗哩個親子丼,味道普普通通啦!

大笨蛋就食咗哩個そば天婦羅定食。

食飽之後就諗住去銀座行一轉,但我記錯咗落車嘅駅係有楽町,因為我哋係想去博品館嗰邊,所以應該係新橋會近啲。由於哩日嘅行程係即時興起而去,之前完全無做功課,只靠多年前嘅記憶,所以就不斷咁行錯路。

喺有楽町落車出嚟係銀座一、二丁目,喺哩到來來回回走咗幾次。最後上網查地圖原來博品館係喺八丁目。

越行就越大雨,要由一丁目行到去八丁目,真係街頭行到街尾呀!

腳步越嚟越慢,雨越嚟越大,個人越嚟越凍,所以最後行咗成九個字先去到目的地。

寬別多年,我哋又嚟到啦!喺博品館逗留咗都成兩個鐘就好滿足咁離開嘞!大家咩都無買到,只係嚟一還心願。

由博品館行去新橋車飅都只係五分鐘路程。六點前返到上野ホテル丸谷。

喺酒店休息咗陣之後本來諗住去試吓一間幾出名嘅串燒店 ~ 大統領,但見到好多人同埋感覺唔係好啱我哋,所以都係去其他地方睇吓!

係酒店隔離街有間大昌園,佢放喺櫥窗嘅和牛樣板好吸引,而且諗起前一晚嘅和牛燒肉有啲回味,所以二話不說就食佢啦!


當晚都幾多人,坐滿晒,我哋被安排坐喺一個角落位,幾好靜靜哋!


今次叫咗三樣牛,有牛尾骨、牛舌、A5和牛。


牛舌
真係好好味呀!
 牛尾骨
哩個香港好少有,都係好好味啊!

哩個和牛就最出色,入口即溶,真係好正啊!

碟碟都係肉,加個沙律會好啲。

重有甜品送,哈密瓜雪巴,太好食啦!

最後埋單,兩個人都係八千幾円,好抵食啊!

最後返酒店浸完溫泉就食埋哩個超甜嘅士多啤利,為第六日行程完滿畫上句號嘞!







4 則留言:

  1. 銀座一丁目行到八丁目嘅博品館我都試過,真係超攰!

    回覆刪除
    回覆
    1. 因為出發前無諗過會去,所以無搵定資料,只靠多年前丁丁嘅記憶,咪就係咁搞錯晒囉!

      刪除
  2. 兩個人先八千yen真係好抵呀!!!

    回覆刪除