08:39~08:52 | (快速) 中央線中央特快 | 新宿 → 三鷹 220円
09:00~09:05 | コミュニティバス | 三鷹 → 三鷹の森ジブリ美術館 210円
17:21~17:34 | (快速) 中央線快速 | 吉祥寺 → 新宿 220円
(交通收費及詳細資料請往實際交通篇)
酒店：ホテルサンルートプラザ新宿
哩日係我行程中其中一個重點，一向鐘意睇宮崎駿嘅動畫，一直都好想到三鷹の森ジブリ美術館，上次嚟東京時由於朋友唔係太好宮崎駿，無安排嚟到。所以今次係第一個列入必到嘅項目。
朝早八點多就出發從新宿中央線前往三鷹。
我哋啱啱上到輛特快嘅班次，所以十幾分鐘就到達。
貓巴士駅喺JR車駅南口，喺車駅已經見到貓巴士停咗喺巴士駅啦！
行到去巴士駅啱啱準備開車，所以連貓巴士車駅牌都無影就上咗車啦！
一坐底就開車，唔使十分鐘就到達。
落車地方就喺正三鷹の森ジブリ美術館門口
距離開園時間重有成個鐘添！不過門口已經有六、七個人排緊隊啦！
我哋四周圍影吓相先，見到天空之城嘅機械人啊！真係有啲興奮呀！
襯無人，伸手入鐵閘裡面同龍貓影返張相先！
本來諗住參觀晒館裡面嘅嘢先返出嚟同佢合照，但竟然唔記得咗就走咗！所以哩張係唯一一張龍貓照啊！
大槪九點半已經開始出現人龍，所以我哋都拿拿臨排返個好位先！
工作人員見到已經有人龍，而且落住毛毛細雨，所以提早咗十分鐘開園，我哋入咗館後就一馬當先衝上頂樓去同機械人合照先！
電梯去到頂樓後重要爬哩條旋轉樓梯先可以同機械人會面。
到啦...到啦！
久仰大名，今次終於有幸會面啊！
How are you, my Friend?
睇到佢嘅背影，背脊有個窿咖！
小路盡頭係天空之城拉普達的中樞石碑。
上面刻了拉普達文字。
影完戶外，就開始入內參觀。
龍貓巴士已經有好多小朋友圍住嚟玩啊！我都想玩埋一份，但只有小朋友先可以進場啊！
由於宮崎駿原意希望入嚟參觀嘅人可以用心去睇裡面嘅展品，將睇到嘅嘢記入腦中，所以館內嚴禁拍照。
館內好詳細咁介紹點樣去製作一套卡通動畫，好值得一睇，跟住我哋再睇咗一套十多分鐘關於一對老夫婦同老鼠相撲嘅動畫，雖然唔識聽日文，但都明白內容，好好笑，好好睇。喺小戲院裡面有好多好小好小嘅小朋友，未開場前個個都係到扭計，但動畫一開始，個個小B都立刻靜晒，重聚精會神咁睇，真係好神奇啊！
睇完動畫後，室內嘅展品睇得七七八八，就出戶外走走。
哩間係餐廳，時時都好多人排隊，不過當日時間尚早，所以大把位，不過因為諗住晏就去吉祥寺食松阪牛，所以我哋無喺到用餐啊！
由於室內唔准影相，所以餐廳外嘅洗手盤都係大家影相嘅熱點。
貓貓水嚨頭
地下有個水井嘅物體，落去睇吓先！
水井旁有個Locker位，如果多嘢可以放底身上負擔。
有個靚靚花園
牆上有個窗裝滿煤炭屎鬼呀！
重有喺洗手間都影咗幾張相，因為我自己都覺得洗手間設計都好靚啊！
要睇嘅嘢都大致睇晒，唔覺唔覺就行咗出去出口離開，完全唔記得去返正門同坐喺售票處嘅龍貓影相。 真係激鬼死啊！
沒有留言:
張貼留言