下面幾張係同事Padraig到上高地及立山時影嘅相，我就係比哩啲相吸引咗而決定再到此一遊啊！
上高地
上高地
立山
咁哩個行程只係用咗我一半嘅大假，咁重去邊好呢？本來打算四、五月去一次韓國吧！因為哩期韓國首爾都好熱門，但我用咗一個月嘅時間都無辦法排到五日嘅行程，啲資料越睇越亂，越睇越悶，無論景點、食物、購物項目都好似唔係我杯茶，同細妹大笨蛋商量過後，提意不如去東京走一轉，因為東京大笨蛋只係多年前跟團去過，有好多地方佢都好想再一遊，而我自己好想去三鷹同埋富士山一帶，因為去過兩次富士山區但都見唔到富士山嘅樣貌，就係咁不出一小時我已經可以簡單咁計劃出八日行程。
本諗住四月中去可以睇櫻花同芝櫻，但大笨蛋度唔到期，最終決定三月中出發。
Day 1： 香港 → 成田空港 → 新宿
Day 2：新宿 → 三鷹 → 吉祥寺 → 下北沢 → 新宿
Day 3：新宿 → 河口湖
Day 4：河口湖 → 新宿→ 上野
Day 5：上野 → 輕井澤
Day 6： 輕井澤 → 上野
Day 7：上野 → 築地 → 淺草 → 晴空塔 → 上野
Day 8：上野 → 成田空港 → 香港
酒店都全部訂好晒！不過暫時都時間尚早，重可以慢慢研究吓啲細節同交通pass，不過唯一擔心嘅係三月嘅天氣應該重係凍，可能仍有雪落。
而家一邊期待出發嘅日子，一邊期待日元繼續下跌，跌多啲我可以慳多啲，唔知有無機會跌到去62呢？
