Day 7.1 @ 犬山城 Part 1

2013年4月28日 天晴
07:58~08:32 | 名鉄犬山線鵜沼方面 | 名鉄名古屋 → 犬山遊園
12:07~12:32 | 名鉄犬山線名古屋方面|尤山→ 名鉄名古屋
14:00~14:31 | 名鉄高速巴士 |名鉄巴士中心→ なばなの里(名花之里)18:15~18:46 | 名鉄高速巴士 |なばなの里(名花之里)→ 名鉄巴士中心

(交通收費及詳細資料請往交通篇)酒店：名鉄グランドホテル

今日係有行程嘅最後一日，本只計劃到犬山城遊覽，下就前往”榮”行街，不過我哋對於行街其實嘛嘛哋，所以臨出發前再上網搵吓資料，點知見到距離名古屋只須四個字車程嘅長島名花之里又係有鬱金香展覽，咁當然不能錯過啦！

為爭取時間，早啲出發到犬山城，當天搭07:58  開出嘅名鉄犬山線前往犬山遊園。

當日係星期日，但車內並唔多人。

犬山城可以喺尤山駅或尤山遊園駅落車，犬山遊園駅會近少少，我選擇尤山遊園駅落車，走嘅時候就去犬山駅，因為唔係班班車都會停犬山遊園駅，所以走嘅時候去尤山駅會比較好啲。

半個鐘就到達尤山遊園駅，基本上係唔會迷路，因為出口得一個，犬山遊園西改札口出，指示很清楚。

出咗只要跟住河邊行就係嘞！好快到咗犬山橋。

但唔係過橋呀！未過橋轉左就係哩條林蔭大道，哩啲喺櫻花樹，早一個月哩到成條都係櫻花之路呀！

可能喺星期日，沿途好多小攤檔，賣花、賣生果、賣衫都有，不過大多都收緊檔，如果我哋早少少，哩到相當都幾熱鬧啊！B女見到人哋啲花又平又靚，幾想買返嚟呀！

向河邊望已經可以見到犬山城屹立喺山上面。

 河邊有一個個好似小島嘅地方。左邊有隻鵲喎！Zoom近啲睇吓先！

係到沖涼呀？

伸開隻翼曬太陽

河裡面重有好多肥魚啊！

喺搵資料嘅時候先知道犬山城又名白帝城，其中一個原因係因為地理環境相似，白帝城建於長江沿岸，而犬山城就喺木曾川旁邊。

 轉出大路，見到犬山神社。

跟住係犬山城前廣場，由於星期日，所以開咗好多小食檔啊！

然後就係三光稻荷神社，穿過神社行會快少少。

好多鳥居呀！

轉出稻荷神社就到咗最後一條斜路，比起其他城，犬山城係比較行得少路就可到達目的地嘅城啊！