Day 1.1：香港 -->墇宜機場 --> Lavender --> 魚美獅公園
.
無驚無險，下午三點完成過關手續，一出關就到服務櫃台索取WiFi password，其實我到而家都唔係好明，佢比用嗰四個鐘係咪指淨係機場範圍呢？？！！
因為離開咗機場後都用唔到啊！ 
然後就到SIA櫃台辦理機場至酒店接送手續及預約埋離開當日嘅接送時間。搞掂好晒，不出數分鐘，穿梭小巴嘅工作人員已經叫我哋上車，今次效率比上次快好多啊！
.
不到半個鐘就輕鬆地到達酒店 – V Hotel Lavender，由於哩間酒店位於地鐵站旁，所以入住率一向高企，傳聞中大部份係我國同胞入住，但當日反而係見到一車一車旅遊巴載住一班一班日本學生入住。亦有轉聞話由於酒店房間多、入住率高，所以花喺等電梯時間比較長，就算等check in 、check out都要有耐性地等待。但我自己對哩間酒店感覺良好。
上到房休息咗一陣，就出發到魚美獅公園，其實我同大笨蛋嚟過可以唔使去哩到，但B女同老豆未嚟過，哩個新加坡地標點都要到此一遊。
由Lavender 至 Raffles Place只須五、六分鐘。 
出站後沿Fullerton Hotel方向步至魚美獅公園，真不愧為新加坡地標，真係好多人，我老豆亦突然活躍咗好多，攞住個數碼相機哩到影吓、嗰到影吓！四周圍走，好耐無見佢咁興奮，真係要多啲同佢出嚟玩吓啊！
大、小獅子魚 一條嘔吐獅子魚
一條嘔吐獅子魚
榴槤劇院
新加坡摩天觀景輪 singapore flyer
獅子魚與榴槤劇院合照
再嚟獅子魚同金沙酒店合照
上次嚟嘅時候，對面都重係地盤，而家已經打做成新加坡另一新地標啊！ 原本都有想過喺哩間酒店住返晚，因為佢個空中泳池真係幾吸收，但房租咁貴又好似唔係好抵。
影咗一陣相，又坐底抖咗陣，咁快要抖….！兩老同行，無計啦！唔行得快、唔行得多、唔行得耐。
喺手信店轉咗個圈後就慢慢行去老巴刹，原本真係諗住龜速行過去，但行到一半，天色開始變黑，重不時聽到隆隆聲嘅雷响，所以都係加速腳步為妙，最後雙腳剛踏入老巴刹，大雨就從天而降，真好彩啊！
沒有留言:
張貼留言