2012年4月29日 星期日

Day 5.1 @有馬溫泉 (2012京、阪、神發花癲之行)

4月13日 (陰天)
10:24 | 神鉄 有馬湊川方面 | 有馬溫泉 → 有馬口
10:29 | 神鉄 有馬湊川方面 | 有馬口 →
谷上
10:41 | 北神 急行電鉄新神戶方面 | 谷上 → 新神戶
10:49 | 神戶市営 山手線新長田方面 | 新神戶 →
三宮
11:22 | City Loop Bus | 地下鉄三宮駅前  → 美利堅公園

15:21 | 阪急 神戶本線梅田方面 | 三宮 
→ 梅田

15:54 |
大阪市営  御堂筋線 なかもず方面 | 梅田 → なんば 

浸完金湯真係唔同啲,瞓醒一覺,成個人精神晒! 查實浸得嗰一次、半次,心理作用大啲囉!

約咗服務員8:30先喺房裡面食早餐,所以早餐前緊係要落去浸返轉啦!

浸完就去大堂飲返杯咖啡先,係酒店送比每一個住客啊!不過啲咖啡嘛嘛哋。



酒店內嘅手信店有好多有馬溫泉出名嘅名物,其中一樣就係人形筆,即係毛筆頂頭有個人頭公仔,如將筆倒轉,公仔頭會縮返入筆桐內,都幾得意啊!

筆上嘅絲線係全人手一條一條綁上去,真係好仔細啊!

飲完咖啡返上房,服務員已經幫我哋拾好房同埋準備早飯。一個傳統嘅日式早飯,唔可以講好唔好食,但一定飽肚。

食飽飽後,拾好行裝就離開酒店,時間尚早,哩日又無咩特別行程,所以離開有馬溫泉前就去有馬川行一陣。


哩到環境好舒服啊!


B女媽咪已經急不及待去玩水啊!



有馬川旁剩返幾棵櫻花樹,啲櫻花到已經開到尾聲啊!







雖然尾聲,但啲櫻花依然好靚啊!

.


原來哩棵都重有好多花冧未開喎!
.


神社旁有棵垂櫻,都好靚啊!

哩幾日雖然已經睇咗好多櫻花,但每次再見到都忍唔住不停咁影呀!佢哋實在太有吸引力啊!

不經不覺已經行到有馬溫泉車駅了。

要離開嘞!相信短時間內(即哩幾年)都唔會再嚟哩到啊!有馬溫泉,再見嗱!





















沒有留言:

張貼留言