Day 3.1 @清水寺 (2012京、阪、神發花癲之行)

2012年4月11日 (雨天)
08:00 | 100 系統  急行 清水寺 祇園 銀閣寺 行 |  京都 → 五条坂 
13:15  | 100 系統  急行 清水寺 祇園 銀閣寺 行 |  祇園 → 京都会館美術館前
14:20 | 46 系統   京都駅行  |  京都会館美術館前 → 四条河原町 
16:05 | 5 系統 京都駅行  | 四条河原町 → 京都

哩一朝早超舊一早起身到酒店頂樓浸一浸風呂後，07:30就出發去清水寺，記得上次去賞楓季節去清水寺時，為咗避開人潮我六點就落出發，但今次唔想太早，而且哩日又落雨，相信前往清水寺嘅人潮亦唔會太離譜卦！
.
由於哩日落足一日雨，影出嚟嘅相都好灰暗，無前兩日咁靚啊！
.
哩日全日都會利用京都嘅巴士，所以買咗個巴士one day pass，500円一張。每程車資220円，只須搭三程就歸本啊！

.
落車時將pass放入收票機，咁張pass就會印上當日嘅日期，咁就係哩日為有效期嗱！

.
喺車駅都幾多人等車，但比起之前打蛇餅嘅情況真係好好多啊！

.
時間都算早，所以路面都無咩塞車，好順利十多分鐘就去到五条坂 落車，落咗車就沿住斜路向上行，大槪二十多分鐘就可以到達清水寺嘅入口啊！

.
街道依然靜英英呀！

.

.
好快就嚟到五条嘅分义路，兩條路都可以到達清水寺。詳細情形可以參考下面嘅地圖。

.
由清水寺到祇園一帶嘅地圖

.

.

.

.
啲櫻花依舊開得好燦爛，但由於天色昏暗，無辦法影到好靚嘅相啊！

.

.

.

. 

.
哈...哈！差冬天就儲齊清水寺四季嘅入場劵啦！

.
入場劵上面個塔呀！

.

.

.

.
當日好多學生團嚟到‧佢哋尤其對哩到嘅求姻緣嘅地方特別有興趣，而且重係由個老師帶住佢哋嚟求籤參拜，嘜唔係讀書要緊咩？？！！

.

.
哩到啲護身符特別浪漫啊！不過價錢都特別貴呀！

. 

哩嚿石都唔使多介紹，好多人都識佢啊！

.

.
今次嚟到清水寺，原來有好多地方都做緊修葺工程。 記得上次夜晚嚟哩到睇紅葉，哩個修葺位置人多到不得了，當時咁大地方都疏散唔切啲人潮，而家條路搞到咁窄，相信人多起嚟都幾麻煩啊！

.
成個平台封晒，淨返一條窄窄嘅廊。

.
好彩唔係清水舞台，如果唔係我真係要喊啊！ 

.
雖然落住雨無辦影到好靚好靚嘅櫻花下嘅清水寺，不過能夠見到咁嘅景色都已經好滿足啊！

 

 

 

.
綠色頂嗰座又係做緊修葺工作啊！

.

.

.
哩張係見有個外籍人士，半踎半跪咁影，我哋等佢行開發覺樹叢中有個窿，由嗰個位影出去係幾靚啊！一於照抄！

.
沿斜路行就好快到咗音羽瀑布，最左邊為學問成就之水，中間係戀愛成就之水，最右嘅係延命長壽之水。

.
瀑布旁有間小舖頭，出賣嘅豆腐好出名啊！上次嚟嘅時間佢哋重未開檔，今次嚟到佢哋啱啱開工，咁就緊係嗱嗱聲搵返個靚位幫襯吓啦！

.
我哋揀坐出面嘅枱，有特色嘛！好奇怪我哋未入座時鬼影都無隻，但係一坐底，轉眼哩行枱全部滿座啊！

.
唔好講咁多，叫嘢食先。

.

腐皮烏東，好味。

.
湯豆腐，好滑、好香啊！

.

雖然只係一碗紅豆沙湯圓，但都覺得特別好味，湯圓好煙靱啊！ 

.
對住個咁靚嘅境，聽住流水聲，食住啲好好味嘅美食真係好幸福啊！食飽飽繼續上路。Go...Go...Go！

.

.

.

.
唔經唔覺都行咗個幾鐘，雨勢亦越嚟越大，無辦法可以再影到靚相，所以決定離開啊！

 
.

.
離開時都好多人開始嚟。

.
哩間舖有得試食重送熱茶，所以吸引咗好多人啊！

.
我哋為咗避雨都去咗啲舖頭內睇吓嘢，好出名嘅清水燒。

.
金箔碗，好名貴呀！
 

續... 2012京、阪、神發花癲之行 (Day 3.２) @八坂神社、平安神社