Day 2.3 @二条城 (2012京、阪、神發花癲之行)

離開植物園後，我哋就前往二条城，由於哩兩日新聞不斷報導二条城櫻花滿開，所以我哋相信城內絶對會好多人啊！
.
一出地鉄駅過條馬路就會到達二条城啊！ 又係無難度呀！記得上次嚟係坐巴士，呆咗個幾鐘頭，落車重要行一段長長嘅路，相比下搭地下鉄真係又快又方便啊！

.
二条城是世界文化遺產。始建於公元1603年 , 當時是德川家康將軍在京都的寓所。二条城是由德川家康所建，他是江戶幕府的第一代將軍，他修建二条城是為了讓他自己及其子孫在京都有一個住所。這座城主殿現在稱為二之丸（也就是「第二重城」的意思）是在1603年修建完成，後來由家康的孫子家光擴大。在歷史洪流中，它保留了原本的樣貌，並以桃山時代建築聞名於世；有著裝飾美觀的紙門和鶯啼板，一有人走過就會發出像夜鶯啼叫一樣的聲音（基於防止他人入侵的安全措施）。家光還為二条城所加建了本丸殿（主城），包括著名的五重塔。然而，原來的本丸殿建築在18世紀時被焚毀，目前的建築物是在1893年從皇居移過來的。
.
入場費600円，我自己蠢咗，返嚟先醒起我有地鉄一日乘車劵，入場費係可以減100円咖！真嘥料呀！
.

二之丸係將軍日常工作同生活嘅地方，德川慶喜大政奉還嘅重要時刻亦係喺哩到發生啊！
入內參觀須除鞋，同埋裡面係全場都嚴禁拍照，雖然我現場睇唔覺有工作人員監視住，但咁大個人，人哋又講到咁清楚，無謂做一個失禮嘅遊客吧！
 

.
屋頂上嘅金色好閃啊！

.
日本天皇的十六瓣菊花家紋

.

.
二之丸御殿玄関的雕刻，每隻仙鶴都栩栩如生呀！

.

.
二之丸對出嘅庭院

.
德川家的家紋

.

.

兩個吊鐘已經無用，放在二之丸外作妝飾

.
參觀完二之丸就向傳聞開滿櫻花嘅庭院進發。
.

.

.
眼見一棵棵垂櫻開得好燦爛，但同新聞中見到嘅場面好似有啲出入啊！總係覺得無之前植物園嗰啲咁靚。

.

.
重有好多花冧未開呀！

.

.
成個庭院哩棵櫻花樹個型態比較特別同靚呀！所以吸引咗好多人同佢留影呀！

.
由於佢嘅高度比較矮，就係咁就吸引咗啲不知所唯嘅人要同佢近距離接觸。

.
大家見唔見到相中有個女人呀！咁大個庭院，咁多人都無人會越過界 (雖然只係種咗啲植物分界，但人人都明白係唔可以踏入草地)，哩個女人竟然大踏步走入去影相，我正在奇怪時，佢老公、同埋一對後生男女跟住咁入去，後生嘅女生以為自己係明模卦，前影、後影、大頭，越影就越得意，眼見企喺出面嘅伯伯們攞住部相機待佢哋走，但佢哋就好似好過癮咁，影極都唔走。跟住重要比我聽到佢哋係講廣東話，唉...真係失禮晒！佢哋影完重唔行返出嚟，喺裡面一行四人大搖大擺咁行嚟行去，最後有個日本婆婆頂佢哋唔順，指手畫腳咁叫佢哋返出嚟。我自己就覺得好羞家囉！可能下次去就會有個用中文寫嘅警告版「請勿亂踏草地」哎！ 肉酸...肉酸！

.
再向前行吓行吓，發覺新聞報導嘅畫面出嚟嗱！

.

.
果然係好多好靚啊！ 一抬頭已經係滿天櫻花啊！

.

.
又再發癲亂咁影呀！

.

.

.

.

.

.

.

.

.
哩張重影到有隻鵲仔呀！

.
影到傻晒呀！唔覺唔覺都行到庭院嘅出口嗱！

.

出口處有啲攤檔賣一啲土產，由於我哋重有要趕天未黑前去蹴上，所以哩到都係衝衝經過便算。

.
細妹幾年前嚟唔記得壓個金幣，今次哩到終於還心願啊！

續... 2012京、阪、神發花癲之行 (Day 2.4) @ 蹴上鉄路