2012年4月20日 星期五

Day 2.1@京都植物園 (2012京、阪、神發花癲之行)


2012年4月10日 (晴天 / 陰天)
07:48 | 京都市営 烏丸線 国際会館方面 | 京都 → 北大路 
12:49 | 京都市営 烏丸線 竹田方面 ‧烏丸御池‧東西線 太秦天神川方面 | 北山 → 烏丸御池 →二条城前 
15:41  | 京都市営 東西線 六地蔵方面 | 二条城前 → 蹴上
16:45 | 京都市営 東西線 太秦天神川方面‧烏丸御池‧烏丸線 竹田方面 | 蹴上 烏丸御池 →京都

朝早先喺酒店頂樓大浴場浸一浸露天風呂再食埋早餐7:30就落街開始第二日嘅行程。

由旅哩日全日都會利用京都市営地下鉄代步,所以開始行程第一件事係先去京都駅前嘅旅遊中心買張京都地鉄One day pass

.
無論地下鉄劵、巴士劵、長途巴士劵都可以喺到買啊!



.

.

.
個Pass入咗入閘機後會自動打上第一次用嘅日期同入閘個駅,咁就代表咗車票啟動咗啦!

.
京都地下鉄得兩條線,比香港嘅港鐵更簡單呀!所以一啲難度都無呀!

.
 
.

.
指示牌好清楚啊!

 
.
由車駅步行大概5-10分鐘就嚟到河邊嘞!


.

.
橋邊嘅櫻花葉係啡色,同粉白色嘅櫻花有深淺嘅對比啊!

.
河嘅對岸就係半木之道,不過睇嚟好似重未開花啊!


.
另外一邊亦有一啲櫻花開好靚啊!

.
哩條河川真係好靚,我哋重落咗去玩咗一陣水,不過啲水真係好冰涼呀!玩咗陣隻手已經覺得赤痛啊!








.
半木之道有好多人喺到踏單車同埋晨運做運動,道路上做咗好多竹棚用嚟支撐住櫻花嘅樹枝。


.
哩到嘅花大都未開,大部份都只含苞待放呀!


.

.


.
喺半木之道嘅中間就係京都府立植物園嘅入口嘞!

.
可能時間尚早,睇落唔算太多人。入園費200円一人。

.
一踏入門口已經好興奮,遠處見到好多好密嘅櫻花樹,近處見到好多好靚好新鮮嘅鬱金香呀!

.


.
啲鬱金香靚到好似假咁呀!

.

.
經過啲咁靚嘅鬱金香園後就到咗密密嘅櫻花林

.

.
置身喺哩個花叢裡面,好感受到咩叫舖天蓋地啊!攞住部相機都唔知點影好,因為點影都無辦法影到現場嘅震撼同感動感覺啊!

.

.
啲櫻花直情係潮住自己湧埋嚟嘅感覺呀!

.
園內有好多種櫻花,我自己最鐘意哩種櫻花,五瓣淡淡嘅花瓣,一朵朵聚集成一個個花球,真係好靚啊!

.
哩種有啲啡葉襯托。

.
哩種比較少見,葉同花蕊都係綠色,比人好清新嘅感覺呀!

.

.
哩個青BB嘅櫻花,我成個行程都只係喺哩個植物園見過咋!

.
好特別呀

.
喺樹下嘅草地種滿晒哩啲小小嘅花朵,雖然唔顯眼,但我自己覺得佢哋都好靚呀!

.

.
身後嘅玻璃館就係植物園嘅溫室,要另外再比200円入園費啊!














.
植物園溫室,裡面啲花都好靚咖!所以比多200円都值得啊!


續... 2012京、阪、神發花癲之行 (Day 2.2) @京都植物園

3 則留言:

  1. 置身喺哩個花叢裡面,好感受到咩叫舖天蓋地啊!攞住部相機都唔知點影好
    << 我明...XDD
    咁你應該拍movie 啦...
    [版主回覆04/20/2012 21:17:16]太興奮啦! 都唔記得咁多嘢呀! 我連買咗pass買入場劵有discount都唔記得show出嚟呀! 超百痴呀!

    回覆刪除
  2. 唔 . . 京都府立植物園 . . .好介紹. Mark 底先
    [版主回覆04/21/2012 09:46:24]哩到係我成個行程最鐘意嘅地方, 花又多, 地方大但唔算多人, 影起相嚟都好舒服呀! 我原先係因為媽咪鐘意花我先揀哩到, 估唔到櫻花季節哩到係咁靚啊! 真係要強烈推介呀!

    回覆刪除
  3. 鬱金香同櫻花都有得睇,好正呀!
    [版主回覆04/28/2012 18:32:43]所以去到好似發咗癲咁, 實在太興奮呀!

    回覆刪除