2011Dec澳門兩天遊 (I)

13/12/2011(星期二)

時近年尾，哩個星期放埋最後幾日大假，無錢出埠去遠嘅地方，所以近近哋去澳門玩兩日啦！

由於有好多旅遊景點舊年都遊覽過，所以今次都無特別地方要去，只係四周圍行吓、食吓嘢。

上咗碼頭之後就去酒店放底「行李」，今次我哋揀利澳酒店，因為貪佢有個恆溫泳池啊！我哋去到都係十一點幾，但酒店職員已經可以比我哋上房啊！

酒店大堂

標準二人房

浴室好寬敞啊！

放底嘢後就出發，先去福隆新街食翅，因為舊年過嚟兩日，添發都休息，所以今次要再去試吓啊！
傳聞哩間舖好多人排隊，但我哋入到福隆新街時，成條街都靜英英，唔通今日又休息。

.

好彩有開，只係未夠鐘啫！佢寫住一營業時間係下午一點開始，不過我哋十二點八、九都可以入啊！

本來諗住我哋三個人叫兩份，但原來佢堂食係要每人叫一份啊！


豪華碗仔翅

濃湯瓦煲花膠魚翅

招牌海參花膠大隻翅

其實每一種嘅味道分別唔大，亦唔覺好似傳聞中講都非食不可，今次叫做一試啦！不過相信下次再嚟機會不大啊！
食完翅就過去新埗頭街食豆腐花。

.

香滑豆腐花

食咗兩樣嘢個肚都飽咗一半，於是我哋喺議事亭行到葡京附近就搭車返出碼頭坐車去威尼斯人。

.

喺威尼斯行咗一圈

.

.

跟住就坐的士過去官街，之前試過行過去都好似係幾個字就到，但個的士司機係咁兜嚟兜去，最後竟然成三十蚊喎！搶錢呀！
由於喺威尼斯行咗轉，活動活動過後又好似有啲肚餓，所以我哋又木偶餐廳進發嘞！

.

薯茸蔬菜湯係我嚟到必點嘅菜啊！

B女指定要食嘅燒沙甸魚

哩個燒乳豬都好正啊！

最後燒豬肋骨

食飽飽又去行街活動吓先得啊！官也街而家越嚟越人氣，平日哩到都鬼咁多人，我諗星期六、日會幾墟冚呀！

大利來喺前一日比澳門民政總署連同司警到場封咗舖呀！當日我眼見到有啲人嚟到先知啊！我舊年嚟食嘅時候已經覺得啲嘢已經無以前咁好食，所以就算今次唔係封舖都無諗住要嚟食啊！

不過我覺得有啲奇怪係哩間舖開咗咁耐，點解今時今日先告佢無牌經營，個人覺得「一定有內情」。

喺官也街食夠、買夠都五點幾，於是就坐巴士返酒店嘞！

                                                                                                                     
                                                                                                                                  

                                                                                                                 ..... 2011Dec澳門兩天遊 (II)