期待的旅程 ---> 已決定取消了

這個旅程萬事俱備，只待四月四日出發嘅京阪賞櫻之旅了，喺噚日喺好唔捨得之下都係決定放棄了。日本櫻花好似同我無緣咁，舊年諗住去就病咗，估唔到今年重大件事。

眼見日本政府面對這次核危機都束手無策，而且從網絡上亦知道好多地方需要物資嘅援助，大家都憂心忡忡跟本無可能有心情再去玩樂，各國政府亦紛紛開始撤僑，咁嘅環境亦無理由再撞個頭埋去。

而且今次旅程唔只我自己一個，帶住媽咪同姨媽，我真係承擔唔起咁大嘅責任啊！而且亦唔想關心自己嘅親朋好友擔心自己，上年自己病了都搞到大家為我憂心，無理由今次只係為咗玩而令人為自己擔心，自己都唔會玩得開心，所以最後都決定攞起電話向agent取消今次嘅行程，雖然真係好唔捨得，但心裡反而舒咗一口氣啊！

Agent 話國泰可以比我保留機位到六月，但只可以轉去日本其他地方而唔可以轉去其他國家，所以我選擇退票，但可以退到幾多重未知，不過就算同我講一毫都不能退回都無謂嗱！最緊要大家都安全啊！

今次日本面對嘅難關真係一個接一個，我希望佢哋可以盡快渡過所有困境，一切唔好嘅事唔好再發生，令佢哋可以重建家園，重新投入正常嘅生活啊！

我相信好快我可以再踏足日本去實踐我嘅賞櫻之旅啊！ 日本 - 加油！   

2011年3月17日 7:00PM

剛剛收到agent電話，而家只須要每人扣HK$225.00一個人就可以退個package攞返全數啊！都可算是好好彩啊！既然本來都諗住無晒，而家有錢收返就一於攞去捐助啲日本災民啦!

2011年2月6 日

一個新年假期轉眼又過去，聽日又要投入工作。未開始返工已經又期待下一次巳嘅假期嗱！

記得上年做治療期間，身邊親友都不繼鼓勵話：忍耐、努力啲，做完治療好返就可以去日本睇櫻花咖嗱！所以當今日無事嘅時候，櫻花就喺我嘅腦海不斷浮現嘞！

其實哩個都係一個籍口嚟啫！我去過日本多次，但就重未遇上櫻花季節，所以賞櫻一直都係我嘅心願啊！(查實我都有好多心願啊！)

原本計劃去東北一帶，但今次同行有B女媽咪同埋姨媽，我擔心去嘅地方太散，移動太多，佢哋會好辛苦，而且我一直都覺得京都會係一個賞櫻嘅好地方，所以最終落實四月頭去京都、大阪。

由於07年已經到訪過，今次嘅行程都會同當年差唔多，所以安排起上嚟都無太大嘅困難。

1. 機票 + 3 晚 大阪Cross Hotel (包早餐) = HKD6,211.00 (Tax & Fuel) x 4 人

2. 3 晚 京都 アパホテル  (京都駅堀川通) (素泊) = ¥5,570 x 3日 x 4人

3. 1 晚 有馬溫泉 奥の坊 (1泊2食) = ¥10,150 x 1日 x 4人

由於重有兩個月先出發，所以都喺到慢慢咁睇緊人哋嘅旅遊經歷同做定一啲支出預算、車程等資料，而家希望啲日元可以回落返啲，令旅費可以減輕返少少啦！

支出預算表

車程資料

值得學習嘅精神啊！

哩兩日都不斷咁留意日本地震後報導，對於日本人嘅自律、冷靜真的不得不佩服啊！

唔好講發生咁大嘅災難，單單係幾個月前港鐵壞車，人們湧出路面轉乘其他交通公具時出現爭先恐後面、打尖、怒罵他人；又或排隊買奶粉都搞到大打出手。

   

日本得體抗災 中國網民讚歎 學校成避難所勾起川震回憶

(明報)2011年3月13日 星期日 05:05

【明報專訊】雖然遭受地震海嘯重挫，但日本    人昨天仍不失團結、守禮、守紀律和尊重互助的價值觀。東京    地鐵    站和便利店都是長長人龍，每個人靜靜地等候，沒有打尖、沒有搶劫、沒有互相指駡。學校禮堂是災民的安心避難所，抬頭可見堅固瓦樑，沒有人會懷疑是豆腐渣。遠方的中國網民目睹裂開的日本，為3年前的四川    感慨之餘，亦不禁為災難中仍然挺直腰板顧全大局的日本人，舉起拇指讚好。

日本經歷世紀大地震之後處處人龍。鐵路在地震後停駛，大批人無法回家，東京站新幹線和JR線的攤位外，打蛇餅排著數百人靜靜等候買車票，人龍中聽不
到抱怨怒哮。記者向一名女士查問班次，她很平和、耐心地解釋已取消。日本羽田機場內的長龍，同樣安靜有秩序，數十人排隊累了坐在樓梯兩側，中間是一條暢通
道路供人上落。

餐廳派咖喱飯 汽水機一按有飲品

東京車站沿線多間學校自發開放，供無法回家的上班族暫住，內有足夠上千人用的毛氈食物擺放井然有序。旅館不單沒有坐地起價，更換個招牌    變身「避難所」供免費住宿。此時此刻商店都將「搵錢發財」拋諸腦後，仙台倖存者之中，廚師留守食店煮免費咖喱飯、電器店東提供免費手機充電，汽水機一按就彈出飲品、公眾電話一按就打通。

日本網民在地震後留言：「一定要協助不會說日文的外國人避難，就算你只會說『Hello、OK』都行」網民又互相提醒：「特別要照顧長者婦女，你的鄰居是獨居嗎？記得去敲門」、「請告訴回不了家的朋友，以下地方可以免費留宿……」

「避震完畢，地上沒有垃圾」

早前的新西蘭    基
督城地鎮，災後曾出現趁機搶掠、商戶大幅抬高物資價格的情况。相比下，同樣屬發達國家，東京並未出現這些情况。當然，東京並非重災區，也未有因災陷入治安
崩壞的狀態。有中國網民目睹日本人逃難，於網上寫道：「幾百人在廣場避震完畢，整個過程，無一人抽煙，商店服務員跑來送上毯子、熱水、餅乾。男人幫女人拿
東西 、駁收音機，3個小時後，人散，地上沒有一片垃圾、一點也沒有。」

一名在日本便利店打工的中國人留言：「我媽問我：『有無趁地震加價？』沒有啊。我在7-11打工，食物飲料免費提供，沒有人哄搶。人們拿了免費食
物，都會排隊到收銀台來說一聲謝謝。」也有內地網民想起2008年的5．12四川大地震：「學校啊學校，日本的學校是避難所、是最堅固的，這就需要我們學
習。中國人的學校啊……」

張宏艷    ﹕日本人顧全大局

曾在日本留學    的
前新聞主播張宏艷，1995年親身採訪神戶7.2級大地震，當年已體會日本人面對災難的人文素養。張宏艷認為，日本民族宗旨是「顧全大局」，「日本人每做
一件事，也會考慮對其他人的影響，例如人們不會在地鐵講電話。日本人顧全大局的心理質素久經訓練，在天災中發揮了關鍵作用，除了自救，亦不忘救人。」她認
為，因為日本人「顧全大局」，世人才看到他們在災難面前不屈並守望相助的光輝人性。

明報記者 周展鴻 余俊亮 東京報道

日本宮城縣北部下午發生8.9級大地震

今日下午喺公司收到消息話日本宮城縣北部發生8.9級大地震，當日覺得日本時時都發生地震啦！所以都不太在意，到四點幾五點時話仙台發生重大海嘯，都只係有一點點擔心，但返到屋企睇到新聞，真係呆咗啊！估唔到原來係咁嚴重啊！

今次受破壞嘅地方都好廣泛，專家估計嚟緊幾個星期重不斷會發生餘震，而香港政府亦發出咗紅色旅遊警告，對於將要出發日本嘅我，而家嘅心情真係又擔憂又忐忑不安啊！

而家自己無咩嘢可以做到，只有帶住沉重嘅心情為傷、亡者、失去家園嘅日本國民祈禱，亦希望唔好再有太大嘅餘震做成更大嘅破壞同傷亡吧！