然旅遊經驗尚淺,但亦希望可以喺到同大家一齊分享吓我少少嘅旅遊點滴
噚晚去咗尖沙咀一間蔡瀾都介紹過嘅一間小餐廳食嘢! 啲嘢都幾好食又唔太貴,但嗰到地方唔大,只可以坐廿幾人,如果到咗繁忙時間就要等位啊!
坐底落單後,waitress會打張單出嚟要收錢先嫁!
先嚟個小食 - 春卷
混醬薯條 - 哩個係重點推介啊!個老細介紹時話食過唔好食唔收錢,但最後緊係食鬼晒啦!真係好好食嫁!
咖哩魚飯 – 都幾辣但好好食,啲魚整得好滑呀!
雞串燒卡巴 – 都係好好味呀!我自己食咗兩嚿呀!
個卡巴啲燒雞就係喺哩個烤爐到燒嘞!
最後食到好飽好滿足呀!
一年拖一年,上星期終於報咗名考出年四月舉行嘅CDCS,估唔到佢哋效率咁快喎!噚日已經收到倫敦寄過嚟嘅考試資料。
嘩!本書好厚呀!重好深添呀!我睇過啲模擬題,20題我識一題咋!到時考120題點算。
跟住落嚟嘅日子要努力溫書冇得去玩啦!